ايه أكتر حاجة محتاجها عشان تعيش حياة سعيدة وتكون مبسوط في شغلك ومتتأثرش بسهولة بالرسائلالسلبية الي موجودة حوالينا؟

بعد ابحاث وكلام كتير توصل العلماء واجتمعوا على حاجة واحدة بس الإمتنان الي بيعتبر اهم عنصر من عناصر ال
Positive Emotions

ليه #1؟
تخيل ان في ناس عندهم فلوس وانجازات كتير ولكن للاسف مش ممتنين للي عندهم و ده بيحط عليهم ضغط أكبر انهم يحصلوا على إنجازات تانية ويحصلوا على فلوس او سلطة أكبر وطبعا الدايرة بتستمر الى مالا نهاية… وللاسف مهما كانت الوظيفة ملائمة ليهم وبيحبوها ولكن ضغط الشغل وقلة الامتنان قادر انه يقتل شغف بالوظيفة

ليه #2؟
كتير مننا بياخد كل النعم ولحظات السعادة الي حواليه حاجة كدة مسلم بيها مثلا زي زمايلك اللي بيحبوك في الشغل، الإستقرار، صحتك، إنجازاتك البسيطة في شغلك وحياتك حتى الحاجات الصغيرة الي زي المياه الساقعة في عز الحر، نعمه النفس، نعمة العقل، حتى نعمة إنك لسة مكمل واصرارك على تطوير نفسك وهكذا…

ليه #3؟
كل التجارب العلمية الحديثة توصلوا ان تمرين الإمتنان بيؤدي الى اعادة برمجة عقولنا لرؤية السعادة اللي بتؤدي بدورها للنجاح ورفع نسبة الذكاء وتقوية الجاهز المناعي ورفع نسبة المقاومة والمرونة

إزاي؟
هات صندوق أو أتنين واحد في البيت وواحد في الشغل وقبل ما تمشي من الشغل أكتب 3-5 حاجات انت ممتن انها حصلتلك خلال اليوم وحطها فيه مهما كانت الحاجات ديه صغيرة حتى لو كوباية القهوة…بالنسبة التاني الي في البيت قبل متنام اكتب في 3-5 حاجات إنت ممتن انها حصلتلك في يومك في العموم وبرده حطها في الصندوق بتاعك ويا سلام لو الاسرة كان عندها صندوق مشترك

تخيل 3 حاجات في اليوم انت ممتن انها حصلتلك يعني 21 حاجة في الاسبوع يعني حوالي 84 حاجة في الشهر…لما تكون مضايق وده حيحصل، كفاية انك تطلع حبة ورق وتقراهم وساعتها اكيد الحالة حتتغير