القدرة على التفرقة بين التفكير والتفكير الزائد كافية إنها تحررك من قيود نفسية وعصبية كتيرة وحتساعدك تتحرك أسرع تجاه فكرتك أو مشروعك

مفيش ناجح بيفكر تفكير زائد لإنه عارف مهما كانت الفكرة صح التجربة أو الفعل هم الأساس في إختبار جودة الفكرة

إنا كنت برهق نفسي جدا بالتفكير الزائد لغاية ما كنت بشوف فكرتي بينفذها شخص تاني وده طبعا كان بيزود الضغط عليا عشان محتاج اطلع أفكار أفضل ولكن برده بفكر تفكير زائد عن المطلوب فحد تاني ينفذ الفكرة وهكذا وهكذا

بالنسبالي الحل كان في 3 خطوات بسيطة ولكن حقيقي محتاجين تصميم وعز:

(1)
 Meditation
التأمل مش بس للناس الناجحة السعيدة ولكن حقيقي التأمل هو السبب إن الشخص يتحول لناجح وسعيد ويقدر يسيطر على أفكاره بشكل صحي ويلاقي بجد أفكار جديدة مختلفة

(2)
تنظيم الوقت
إنك تسيطر على 50% من وقتك أحسن ما يكون وقتك كله ملك غيرك وده طبعا قادر إنه يقلل التوتر لإنك عارف إنت المفروض تعمل إيه إمتى

(3)
تقبلت إن الفشل جزء من النجاح
كلنا عارفين الجملة السهلة ديه ولكن تنفيزها محتاج ثقة وإيمان وتصالح مع النفس بشكل كبير عشان كدة في برنامجنا بنركز على الوضوح الذاتي وتقبل النفس لإنه مهم جدا عشان تقدر تكمل الرحلة وتستمتع بيها