جزء كبير من وقتي قضيته في الصحراء وبين الجبال بحكم دراستي لمجال الجيولوجيا أو علم الأرض وحقيقي إي رحلة من دول كنت بحس بعدها بإختلاف سواء في التفكير أو الراحة النفسية

ولما قريت وحاولت إدرس وأتكلم مع الناس الناجحين المؤثرين في مجالات مختلفة لقيت عندهم وقت محدد في جدولهم عشان يقربوا من الطبيعة بشكل ما سواء من خلال رحلات أو معسكرات أو حتى التمشية فيها على الأقل كل أسبوع مرة


فوائد الوقت مع الطبيعة

 في دراسات كتيرة بتثبت علاقة الطبيعة بصحة الإنسان في العموم وخاصة الحيوية والطاقة

وفي دراسة إتعملت سنة 2009 بتقول إن الناس اللي عايشين قريب من إماكن فيها مساحات خضرا أقل عرضة للإكتئاب

وفي تحدي إتعمل في كندا شارك فيه أكتر من 10 الأف شخص والتحدي كان إسمه 30*30 أو إنك تقضي كل يوم 30 دقيقة لمدة 30 يوم في الطبيعة الناس اللي إشتركت في التحدي قالت إنها حست بطاقة أكتر، نومهم إنتظم، حاسوا بإنتاجية أكتر في شغلهم وبشكل عام كانوا أسعد

هل مستعد إنك تقضي على الأقل 30 دقيقة كل أسبوع مع الطبيعة؟