مستمرين في حملة الAuthentic Marketing أو التسويق الصادق واللي فيها بنتكلم عن أهم 30 مبدأ وأداة تقدر بيهم تحترف التسويق وتوصل فكرتك بشكل أفضل

انهاردة حنتكلم عن واحدة من أهم المبادئ في عالم التسويق أو الإقناع بشكل عام إلا وهي “المنطق والعاطفة”

الشخص المؤثر أو اللي بيقدر يسوق فكرته أو منتجه بشكل كبير بيقدر يوازن بين المنطق والعاطفة في طريقه عرضه للفكرة أو المنتج

بشكل عام في نوعين من الناس اللي حيشتروا منك ↘️

النوع الأول (المنطقي)
ودول الشخصيات اللي حتدور على فايدة الفكرة أو المنتج بتاعك وتحاول تقارن بينه وبين غيره في القيمة أو السعر وكمان حتحاول تشوف النتائج اللي حققتها مع ناس تانية أشترت المنتج قبل كدة

النوع الثاني (العاطفي)
ودول الأشخاص اللي بمجرد ما يشوفوا فيديو أو لو في بداية كلامك عبرت عن وجعهم وعن إحتياجاتهم ممكن علطول يدفعوا الفلوس ويشتروا المنتج ويجربوه – وأنا كنت واحد منهم لغاية ما قربت أخسر كل فلوسي 

عشان تنجح في عملية التسويق والإقناع لازم وأنت بتكتب أو بتشرح المنتج بتاعك تعمل حسابك وأنت بتتكلم ترضي النوع العاطفي والنوع المنطقي من خلال كلامك (الصادق) عن الوجع والألم والإحتياجات وكمان المزايا والنتائج للمنتج بتاعك