اشهر مبدأ في التسويق إنك ترسم للعميل بتاعك صورة حياته بشكل سلبي قبل استخدام المنتج أو الخدمة بتاعتك وإزاي حياته حتتغير للأحسن بعد إستخدام المنتج بتاعك. ولو حتلاحظ حتلاقي تقريبا كل الإعلانات اللي بتشوفها بتعمل كدة

العطش والإنتعاش
الزحمة والانطلاق
الفوضى والسلام
وهكذا

عشان كدة مهم جدا إنك تكتب وتحتفظ بحاجتين كل لما جمعت منهم كتير وقدرت تتكلم عليهم في أشكال مختلفة كل ما فرصتك في لفت نظر العميل ونجاحك في إقناعه حتزيد

١- الفشل
أكتب إزاي العميل حياته حتفضل زي ما هي بمشاكلها لو مشتراش منك

٢- النجاح
أكتب إزاي حياته حتتغير للأحسن لما يشتري المنتج بتاعك

أتفرج على الفيديو ده اللي أقل من دقيقتين وشوف معنى “قبل وبعد” وإزاي أي منتج ممكن يستخدمه عشان يوصل لمشاعر المشاهد

واحد من أفضل الإعلانات  اللي شوفتها لمنتج مستحيل تعرفه غير في الأخر
https://youtu.be/Yy7fxLwfOnQ
معلش على المنتج بس الإعلان  كان يستاهل