6 “C”s to Become a Better Entrepreneur
من غير إعلانات مفيش تسويق
لو لسة مش بتعمل إعلانات ممولة يبقى حقيقي لسة مدخلتش عالم التسويق بشكل كبير لأنه دلوقتي للأسف لازم تدفع عشان صورتك أو رسالتك توصل لشخص محدد وسط الزحمة
فلو حد مهتم بالتسويق وبيسألني هل لازم أدفع فلوس على الFacebook وغيره من المنصات التانية فالإجابة أكيد نعم … بس خلي بالك من الكلام اللي جاي
كل المنصات دلوقتي وخاصة الFB بقى عندهم كمية معلومات عظيمة عن إحتياحات كل واحد فينا وإهتماماته وبالتالي بتقدر تستخدم المعلومات ديه عشان توصل الرسالة اللي إنت عايزها للعميل اللي ممكن تستهدفه من نوع الموبيل وبيحب ياكل إيه على الفطار
دول أهم 7 حاجات خلي بالك منها وأنت بتعمل إعلانات مدفوعة عشان مترميش فلوسك في الأرض
١- أعرف عميلك
مهم جدا تعرف عميلك كويس عشان تقدر تستخدم قدرة المنصات المختلفة على تحديد العميل
تعرف عنه إيه؟
الإجابة: كل حاجة
٢- قدم قيمة
لو القيمة اللي بتقدمها مش حتخدم عميلك، حيوصله الإعلان ومش حيفتحه
عشان كدة قبل ما تعمل إعلان أهتم بالمحتوى
٣- أهتم بالعنوان
العنوان أهم أداة بيها العميل بيقيم المحتوى عشان كدة لازم تهتم وأنت بتكتب العنوان يكون جذاب ويلفت إنتباه عميلك
٤- أهتم بالصورة
الصورة بتغني أحيانا عن ألف كلمة عشان كدة وأنت بتعمل إعلان أهتم بالصورة أو الشكل وقلل في الكلام وخلي الصورة تعبر عن موضوع البوست أو المقال
٥- أصرف على الغريب
أصرف اكتر على الناس اللي متعرفكش سواء ناس شبه عملائك أو شبه اللي دخلوا عندك على الموقع أو شبه اللي اشتروا منك قبل كدة وأقل على الناس اللي تعرفك وعايزهم يشتروا منك
٦- إتعلم
ممكن طبعا تجيب حد يسوقلك ويسمكلك كل حاجة (لو معاك دخل إضافي) بس مهم جدا إنك تتعلم الأساسيات عشان تقدر تتابع معاهم على الأقل
٧- معاير الأداء
مهم جدا تعرف تبص على الأرقام وتعرف تقرأ الأرقام الإحصائية اللي بتطلع على كل بوست مدفوع إنت بتعمله عشان تعرف تعدل من نفسك وماتصرفش فلوس على الفاضى
أوعى تصرفك فلوسك وتضيع وقتك وفي حملات بدون رسالة أو قيمة لعميلك
