6 “C”s to Become a Better Entrepreneur
إيه علاقة إعادة التدوير بالتسويق؟
إحيانا ناس كتير بتشتكي إنه معندهاش الأفكار اللي تخليها تسوق للمنتج بتاعها على منصات التواصل الإجتماعي المختلفة
ومن هنا بيجي فكرة إعادة التسويق وتعريفي له لما بنعيد إستخدام حاجة استخدمناها قبل كدة عشان نطلع منها بأقصى فايدة
في ناس بتعمل فيديوهات أو بتكتب مواضيع هايلة جدا وبيجي عليها إقبال وبعدين بتنسى الموقف ده تماما بالرغم من إنه لو أعدت إستخدام نفس المحتوى ممكن مع أختلاف شوية مصطلحات أو الصورة ممكن تستخدمه مرة تانية في نفس المكان أو تستخدمه في منصة تانية
مش بس كدة ده أنت ممكن تستخدم فيديو واحد وتنزله كفيديو أو تقطعه وتعمله مجموعة من الفيديوهات أو تكتب بوست من الفيديو أو تعمل انفوجرافيك من نفس الفيديو وطبعا ممكن تستخدم كل الأدوات ديه في وسائل التواصل المختلفة مع عميلك
وبكدة تبقى قدرت تستغل القيمة اللي بتقدمها وتحصل منها على أكبر استفادة في اكتر من منصة متواجد عليها العميل بتاعك
وهي ده قصة إعادة التدوير في التسويق اللي وصلت اليها لما حسيت إن في حاجات كتير مهمة ممكن عميلي مخدش باله منها وكمان لضيق الوقت عندي احيانا
وتتعبر واحد من أسرار ناس كتير بتسوق أون لاين في مجالات مختلفة
وصدقني انت احيانا مش بتكون فاكر كتبت إيه من شهر فتخيل بقى عميلك
