لو عندك متابعين كتير لسة محدش بيشتري يبقى المبدأ ده مهم ليك جدا

لو محدش بياخد الخطوة إنه يشتري منتجك يبقى مهم جدا تعرف المبدأ ده اللي غير فكري وأسلوبي بشكل عام في الأقناع والتسويق

المبدأ بيطلق عليه Entry Point Offer أو عرض نقطة البداية وله أسماء تانية ولكن تعريفه هو عرض قوي مقابل قيمة بسيطة عشان تقدر من خلاله تحول العلاقة من شخص متابع لمشتري تقدر تبعله حاجات تانية

المبدأ ده قائم على فكرة في مهارات الإقناع أسمها Consistency بيتكلم عنها روبيرت شالديني في واحد من أشهر كتب التأثير والإقناع على الأطلاق Influence

والفكرة ديه بتقول إنه أحيانا الشخص بيحس إنه مضطر يلتزم بكلام هو قاله أو فعل هو عمله في الماضي وده بيخليه سهل أكثر نسبيا إنه يقتنع

في التسويق بشكل عام لو العميل أشترى منك ودفعلك فلوس فبكدة ممكن يكون أسهل عليك نسبيا تبعله شئ من شخص مشتراش منك حاجة

في مقولة بتلخص المبدأ ده بتقول: أسهل عميل ممكن تبعله هو العميل اللي أشترى منك بالفعل

وعشان كدة لازم الEPO يكون حاجة قيمة بسعر بسيط جداااا لأن الهدف منه مش الربح خالص ولكن تغير العلاقة – من متابع لمشتري