بيجيلي عملاء كتير بسبب مشكلة التسويق ولكن بعد شوية أسئلة بكتشف أن المشكلة ملهاش علاقة بالتسويق خالص… المشكلة بتكون في “الرسالة”

تخيل سايق عربية بدون وجهة
تخيل بتعمل منتجات مجهولة السبب
تخيل بتتكلم في مواضيع كتير وملهاش علاقة ببعض

من وجهة نظري الرسالة هي الخيط اللي بيربط الأفكار وبيخلق حالة من الوضوح عندك وعند العميل اللي بتحاول توصله فكرك ولأن الدنيا بقت زاحمة حاليا فالوضوح أصبح ضرورة مش إختيار

إزاي تخلق رسالة قوية لفكرتك في 3 خطوات سهلة؟

الرسالة القوية بتتكون من 3 أركان أساسية:

١- المشكلة
إيه المشكلة اللي بتحاول حلها. وكل ما قدرت تحدد المشكلة بشكل أقوى كل ما كانت رسالتك ومنتجك أقوى في نظر عميلك

٢- المنتج أو الفكرة
أيه الفكرة بتاعتك وإزاي حتعالج المشكلة

٣- الوعد
إيه اللي حيحصل للعميل بعد ما يحل المشكلة

على سبيل المثال في برنامج Uplift Your Brand رسالتنا هي

المشكلة
مش راضي عن شغلك وحاسس بالتوهان ومش عارف تعمل إيه في وسط زاحمة المعلومات اللي موجودة حواليك.
المنتج
برنامج Uplift Your Brand هو برنامج متكامل مصمم بناءاعلى تجارب عملية وعلمية أنه يساعدك تصمم الوظيفة والحياة اللي تستحقها بشكل بسيط وسهل
الوعد
عشان تعيش حياة أكبر من مجرد وظيفة، حياة فيها الرضا والنجاح وجهان لعملة واحدة وتقدر تسيب أثر في حياة الناس بإستخدام أفضل ما لديك

حتستخدمها إزاي؟

١- على الموقع الخاص بيك
٢- بداية كلامك مع العميل
٣- تطبعها وتحطها قدامك عشان تفتكر أنت بتشغل ليه
٤- ممكن تطبعها على الBusiness card بتاعك

وبكدة تقدر تقول بقى عندك سالة قوية