للأسف كل الموظفين بشكل عام بيعانوا من أزمة التسويق سواء التسويق الشخصي أو التسويق لفكرتهم أو منتجاتهم وده بيكون السبب في احباط البعض وأستسلام البعض الأخر

للأسف إحنا متعلمناش نسوق لنفسنا في المدرسة أو البيت بالعكس اللي كان بيعرف يسوق ويتكلم عن نفسه كويس كنا بنقول عليه مغرور أو متكبر أو خلافه … وطبعا في فرق كبير من الأتنين بس أحيانا الناس مش بتشوف الإختلاف على إنه شئ إيجابي

عشان كدة كل الناجحين المؤثرين عارفين إنه لاغنى عن فن التسويق في الحياة بشكل عام لإنك لو موظف أكيد محتاجه، لو صاحب عمل لازم تحترفه، لو أب أو أم أو مدير لازم كل واحد فينا يحب فن التسويق الصادق عشان الناس محتاجة تشوف أفكارك، محتاجة تعيش حلمك، محتاجة تسمع صوتك لو مش قادر تسوق لفكرتك لحلمك لصوتك، العالم حيفتقد تميزك اللي إتخلقت عشانه

ايه اللي محتاج تعلمه انهاردة عشان تحسن علاقتك بالتسويق؟