Define Your Meaning Statement in 4 Steps
They have a mentor or coach - Habit #26
إيه أهم 30 عادة بتميز الناس المؤثرين الناجحين (السعداء) في إي مجال؟
العادة السادسة والعشرين 26
They have a mentor or coach
انا شخصيا حضرت كورسات ومؤتمرات كتير ولكن التغير الحقيقي حصل من خلال تعاملي مع شخص عنده خبرة (وصادق وأمين) في مجال معين بيساعدني بنصيحة عملية أو دعم معنوي
عشان كدة عندى أكتر من 12 منتور في مجالات مختلفة كل واحد له بصمة حقيقية في تكوين وجهة نظري في أمور مهنية وحياتية كتيرة ولهم الفضل بعد ربنا في نجاحات كتيرة حصلت في حياتي
اي شخص ناجح مهما كانت متفوق ومهما كان مستوى ناجحه بس لازم حتلاقيه عنده شخص (أشخاص) أخر بيثق فيه وبيثق في مشورته وأراءه وأعتقد ديه واحدة من أهم العادات عند أي شخص ناجح ومتفوق اللي ممكن ناس كتير تتغافل أو تطنشها لسبب أو لأخر
من وجهة نظري وجود منتور صادق وشاطر في حياتك له 3 فوائد مهمة
١- الوضوح
بيساعدك تشوف الرؤية أوضح…والرؤية ديه داخلية وخارجية
٢- التحدي
بيتحدى مهاراتك وقدراتك عشان تكتشف أفضل حاجة عندك
٣- الدعم
بيكون جنبك وبيدعمك لما تحتاجه ولما يحس إنك محتاج الدعم
أستثمر في منتور شاطر يكون معاك في رحلتك وأوعدك مش حتندم
للمزيد عن كيفية إختيار المنتور أو الكوتش المناسب
http://tiny.cc/sr9l7y
معظم العادات اللي حنتكلم عليها هي عادات بسيطة وسهل إننا نعملها ولكن مع سهولة العادات بتكمن صعوبتها لإنها محتاجة إلتزام وإنتظام عشان كدة خلال الإيام القادمة إختار إنسب وإبسط العادات بالنسبالك وحاول تلتزم بيها وإنا مؤمن إن أحيانا عادة واحدة ممكن تغير حياة شخص بالكامل
