مفيش ناجح (سعيد) بيقارن نفسه بغيره…طيب ليه؟

من وجهة نظري الشخص الناجح (السعيد) عنده هدف ورسالة وبيشتغل وعايش عشانها وعشان كدة مش بيلتفت أو يقارن نفسه بحد لإن رسالته أكبر من حدود نظرته لنفسه أو غروره

بالإضافه إنه عارف ومؤمن إن كل شخص مميز ولكن للأسف معظم الناس بتهتم إنها تداري أو تداوي مواطن الضعف عندها وبتنسى تبرز تميزها

طيب إزاي تبطل تقارن نفسك بغيرك؟

١- إعرف نقاط قوتك وقيمك الشخصية
 http://tiny.cc/hmpn6y

٢- نمي عندك روح أو مهارة الإمتنان

٣- تذكر مفيش حد كامل وكلنا عيوب

٤-تذكر إن منصات التواصل الاجتماعي بتديلك جزء أو وجه واحد من الحقيقة 

٥- أوعى تقلل أو تغلط في منافسيك عشان حتخسر إحترام عملائك وإحترام منافسيك ومع مرور الوقت إحترامك لنفسك

٦- ركز على نفسك وتطورك وحلمك وإزاي ممكن تساعد غيرك بشكل أحسن

٧- إتعلم تقول “كفاية” لإن عقلك دايما حيقولك “مش كفاية” سواء للعلم أو للفلوس، أو وهكذا

٨- لو حقيقي عايز تقارن، قارن نفسك بنسختك الأفضل