6 “C”s to Become a Better Entrepreneur
فن كتابة رأي العميل؟
دلوقتي أي عميل (واحنا كمان) قبل ما نشتري حاجة بنحتاج تأكيد عشان نقدر نشتري وأحنا مسترحين ومنحسش أنه أضحك علينا
وعشان نعمل كدة بنسأل أو بنشوف الأراء الموجودة سواء على المكان أو على المنتج وده لوحده كافي أنه يجاوب على أسئلة عندنا أو يحمسنا عشان نشتري
عشان كدة مهم جدا تكتب ويكون موجود قدام العميل بتاعك أراء عملائك السابقين لأنها وسيلة مهمة لتقوية رسالتك وبتزود ثقة العميل فيك أو في المنتح اللي بتقدمه
المشكلة أنه في ناس كتير مش بتظهر أراء عملائها أو بيحطوا كلام عام مش بيؤثر في العميل اللي عايز يشتري
عشان كدة دول أهم 4 نصايح محتاج تخلي بالك منها وأنت بتكتب رأي عميلك:
١– أسال أسئلة محددة
محتاج تسأل عميلك أسئلة محددة عشان تحصل منه على إجابات محددة تكون مفيدة ليك في التسويق … مثال:
– أكبر مشكلة عندك عشانها أشتريت المنتج؟
– أيه اللي اتغير بعد ما جربت المنتج أو الخدمة؟
– أيه أكتر حاجة عجبتك في الخدمة أو المنتج؟
من خلال إجابات الأسئلة ديه تقدر تكتب جمل أو رأي يفيد ويشد العميل اللي لسة بيفكر يشتري
٢– أستخدم صور أو فيديوهات
الناس بتصدق أكتر لما تشوف صورة العميل اللي كاتب الرأي وأكتر وأكتر لما تشوف فيديو له وهو بيقول الرأي
٣– الرأي القصير البسيط أفضل
كل ما كان الرأي قصير وبإستخدام كلمات بسيطة كل ما كان أسهل على العميل انه يقرأه أو يقف عنده
٤– العدد مش مهم
مش لازم يكون عندك أراء كتير على موقعك ولكن من ٣–٥ مناسب جدا – وطبعا ممكن تغيرهم مع الوقت
بكدة حتقدر تحصل على أراء تساعدك في التسويق وكمان تزود مصداقيتك في السوق
