كنت في محاضرة لشخص بيتكلم عن الإقناع وخلال المحاضرة كان كل نقطة عايز ينقلها بيقولها من خلال قصة سواء شخصية أو قصة قرأ عنها

المحاضرة ديه بالرغم من إنها كانت طويلة ولا واحد من الحاضرين ساب القاعة أو إنشغل في تليفونه لإن كل واحد فينا كان مندمج مع المحاضر

بعد ما خلص المحاضر رحت سلمت عليه وقولته إيه السر في قدرتك على جذب انتباهنا من أو دقيقة لغاية أخر دقيقة … رد علي وقال ديه قوة القصة

ونصحي بعدها إني إجيب كراسة وأكتب فيها كل القصص اللي بتحصلي أو بقرأ عنها أو بشوفها وأراجعها وقت ما يكون عندي إي لقاء أو حديث أو محتاج أقنع عميلي بفكرة عشان أختار أنسب قصة ممكن تلفت نظر عميلي وأقدر بها أجذب إنتباهه

ومن ساعتها وأنا معايا كراسة لونها أصفر 📒 شبه الكراسة اللي شوفتها معاه بكتب فيها كل القصص اللي بتحصل حواليا

كمان المحاضر نفسه اللي بتكلم عليه أصبح واحد من المنتوز بتوعي اللي برجعله بشكل كبير في شغلي وأسمه John Zimmer
وده الموقع بتاعه
 https://mannerofspeaking.org

كل مسوق شاطر أو إي شخص عايز يؤثر في الناس عنده مهارة “تلاوة القصة” لإنها أنسب وسيلة عشان تخلي الناس تسمعك وتتشد لكلامك وتتوقف عن أحلام اليقظة وهى بتسمعك