6 “C”s to Become a Better Entrepreneur
تعرف إزاي إيه اللي بيميزك؟
وأنت بتسوق لازم تعرف إيه اللي بيميزك عن المنافسين اللي حواليك وتقدر تستخدمه عشان تخدم الناس بإسلوبك
كل واحد فينا عنده مواطن قوى ومواطن ضعف بس الشاطر اللي بيقدر يركز ويبرز مواطن القوى ويستخدم أقل مواطن الضعف
في التسويق مهم جدا إنك تعرف وتحدد إيه اللي بيمزك عن المنافسين اللي حواليك عشان تقدر تحمي “الميزة التنافسية” بتاعتك وكمان تبرزها أكتر من خلال الدعايا
طيب إزاي تعرفها؟
من وجهة نظري في ٥ خطوات محتاج تعملها
١- إبدأ بالعميل
حدد الأشياء اللي بيقدرها عميلك في المنتج اللي بتسوقله بشكل عام سواء عندك أو عند منافسيك زي السعر، الجودة، المسافة، الشكل، …
٢- قيم نفسك
إدي لنفسك وللمنافسين درجة من عشرة لكل إحتياج بيقدره العميل اللي أنت كتبته فوق
٣- حدد
حدد الحاجات اللي أنت واخد فيها 10/10 مقارنة بغيرك
٤- الحماية
الحاجات ديه لازم تسثمر فها بشكل مستمر عشان تفضل علامتك المميزة
مثلا أسرع دليفري في مصر، أفضل كاميرا محمول، أفضل خدمة عملاء
٥- الدعايا
وأنت بتسوق حاول تركز وتكرر وتبرز الحاجة اللي بتميزك
وبكدة يبقى قدرت تركز على (مواطن القوى) وأنت برده ممكن تطور من مناطق الضعف بس خلف الكواليس
