6 “C”s to Become a Better Entrepreneur
بتعامل عميلك إزاي؟
من أهم مهارات التسويق الصادق واللي بيحترفها تقريبا كل اللي بيمتلك عقلية “التسويق”
” حب العميل”
تخيل لو بتحب العميل بتاعك
حتخدمه بكل طاقتك
مستحيل حتضحك عليه
حتحب تتعامل معاه أكتر من مرة
في المقابل هو كمان حيردك الحب والخدمة ديه في صورة ولاء وثقة وحيكون هو جزء غير مباشر من فريق التسويق بتاعك
طيب إيه مواصفات العميل المثالي اللي المفروض تركز عليه؟
١- تقدر تحلله مشكلته
٢- تحب تشتغل معاه
٣- يقدر يقدملك مقابل الخدمة
(لو بتشتغل في عمل تطوعي ممكن تشيل الشرط ده)
لو فيه حاجة من ال3 شروط دول مش موجودة حيكون من الصعب عليك تسوق أو عملية التسويق نفسها مهما اعترفت من مهارات حتكون منقوصة ومش حتؤدي الغرض المطلوب منها
.
لو حقيقي عايز تمتلك عقلية التسويق الصادق لازم حبك لعميك كمان يكون صادق ومن وجهة نظري ده سبب في إنه كتير من الموظفين والمحاضرين ورواد الأعمال بيتأخر نجاحهم في شغلهم – عشان أحيانا بيفكروا فقط في هما عايزين إيه مش العميل عايز إيه وإزاي أخدمه
طيب إيه اللي المفروض أعرفه عن العميل بتاعي؟
الإجابة طبعا كل ما عرفت اكتر كل ما فرصتك في إقناعه حتزيد
بس خليني أقولكم أهم 3 حاجات المفروض تعرفها عن عميلك اللي بتقدمله الخدمة عشان تقدر “تسوقله” أو تخدمه بشكل أفضل
.
١- الألم
إيه مشاكله وإزاي بيعبر عنها وهو بيكلم نفسه أو بيقولها لحد
مثلا:
زهقت من وظيفتي وعايز أشوف وظيفة جديدة
حاسس إني بضيع وقت في شغل مش بيرضي طموحي
٢- الاحتياجات
إيه إحتياجاته وبيعبر عنها بإسلوبه إزاي؟
مثلا:
عايز أعيش حر
نفسي أحس إني قدوة لأولادي
نفسي أستقل ماديا
٣- المعوقات
إيه اللي واقف بينه وبين تحقيق إحتياجاته لوحده؟
مثلا:
مفيش فلوس
مفيش وقت
عادات سلبية
المجتمع
كلمة السر في أي بزنس دايما بتكون العميل
